薩莉亞意式餐廳 (悅來坊) (Closed)

薩莉亞都係我時不時會去食嘅餐廳，因為佢無Pizza Hut咁貴，可以用一個平啲價錢去滿足食西餐的願意，哈哈。今次叫咗個黑椒雞肉Pizza，仲有個蕃茄海鮮意粉。黑椒雞肉Pizza可以睇得出個叮出嚟嘅，不過三十幾蚊有Pizza都唔可以要求咁高。雞肉係意料之外嘅滑，芝士都幾多，個Pizza唔會太乾。如果個Pizza多返啲蕃茄就會仲好味。蕃茄海鮮意粉整體叫OK。味道又係淡啲，都係果一句，多返啲蕃茄就會仲好味，哈哈。意粉亦可以煮耐一啲，今次食比較硬...埋單$66，其實叫得多食物又唔會特別抵，不過會比其他意式餐廳平嘅！