西京燒比目魚定食 HKD 168 + 熱咖啡 (加HKD 8) - 食落幾嫩，係juicy 既，有一啲麻油味，未到話鮮既味道，不過配上檸檬汁都ok
我反而好欣賞個配菜，日本南瓜好甜，煮到好軟熟，好好味！麵豉湯入邊有蜆肉，好有誠意！漬物味道都好岩我口味！咖啡味道，正常發揮。
海鮮野菜天婦羅丼 (大蝦、日本南瓜、茄子、北海道帶子) HKD 168 + 熱日式玉露茶 - 天婦羅炸得唔錯幾香脆，帶子同蝦都大大隻，另外茄子同南瓜食落都新鮮美味。亦都配上日本南瓜、麵豉湯、漬物嘅配菜。
整體來講服務都幾好，而且環境特別適合打卡，坐得舒服，都幾啱幾個朋友一齊享受吓美食，傾吓偈！
