Video
Read full review
2024-08-16
589 views
今日係媽媽生日，所以決定帶佢去將軍澳嘅「樂麵」慶祝🍾️一入到去已經覺得啲裝修好靚好有日本感覺！！ 呢間日式拉麵店認真高質，除咗拉麵之外，仲有好多唔同嘅小食～～🍲「唐揚日本秋葵釀蝦膠炸串」一上枱已經見到佢嘅金黃色，每串仲有三粒，一家人share食都冇問題～秋葵外層炸得金黃脆口，內裏嘅蝦膠充分保留蝦肉嘅鮮味，外面好脆入邊又好彈牙軟熟。口感豐富層次多，食秋葵嘅朋友都可以試吓！！🥟「雞香鹽湯配日系拉麵」嚟到拉麵舖冇可能唔試吓拉麵嘅，湯底就咁睇好清，但係飲落夠晒鹹仲好鮮甜添～最緊要係飲完之後味精都唔會好多，冇好想飲水嘅感覺！！拉麵厚度啱啱好好夠掛湯，而且食落好煙靭添... 而且佢仲有幾片雞肉好嫩滑，啲筍都好夠味，最緊要就係有隻溫泉蛋，令到成件事更加日本！！配埋芽菜同埋其他嘅蔬菜，拉麵整體嚟講好足料好豐富！！🍜無論係環境、拉麵定係炸物都好，都神還原咗日本嘅感覺，真係非常之值得推介大家去試吓～☕️最後，餐廳仲有提供嘅熱茶，對於我呢啲一家大細去嘅朋友就夠晒細心，唔使額外叫飲品啦～唔知係咪因為新開呢？冇咩人～如果大家去開將軍澳一定要去試試啦😆😆
今日係媽媽生日，所以決定帶佢去將軍澳嘅「樂麵」慶祝🍾️一入到去已經覺得啲裝修好靚好有日本感覺！！
呢間日式拉麵店認真高質，除咗拉麵之外，仲有好多唔同嘅小食～～
🍲「唐揚日本秋葵釀蝦膠炸串」
一上枱已經見到佢嘅金黃色，每串仲有三粒，一家人share食都冇問題～
秋葵外層炸得金黃脆口，內裏嘅蝦膠充分保留蝦肉嘅鮮味，外面好脆入邊又好彈牙軟熟。口感豐富層次多，食秋葵嘅朋友都可以試吓！！
🥟「雞香鹽湯配日系拉麵」
嚟到拉麵舖冇可能唔試吓拉麵嘅，湯底就咁睇好清，但係飲落夠晒鹹仲好鮮甜添～最緊要係飲完之後味精都唔會好多，冇好想飲水嘅感覺！！拉麵厚度啱啱好好夠掛湯，而且食落好煙靭添... 而且佢仲有幾片雞肉好嫩滑，啲筍都好夠味，最緊要就係有隻溫泉蛋，令到成件事更加日本！！配埋芽菜同埋其他嘅蔬菜，拉麵整體嚟講好足料好豐富！！
🍜無論係環境、拉麵定係炸物都好，都神還原咗日本嘅感覺，真係非常之值得推介大家去試吓～
☕️最後，餐廳仲有提供嘅熱茶，對於我呢啲一家大細去嘅朋友就夠晒細心，唔使額外叫飲品啦～
唔知係咪因為新開呢？冇咩人～如果大家去開將軍澳一定要去試試啦😆😆
Post
