Video
Read full review
2024-09-16
816 views
都有一段時間冇溜冰，呢日就揀咗嚟九龍灣呢個溜冰場玩吓😎 做完運動咁攰，特別想食餐超豐富，所以就嚟咗同層嘅呢間火鍋放題，放題最平$158就食到，貪食嘅我就叫咗最高級嘅D餐，可以食到嘅肉類就當然會多好多啦🤩湯底套餐係一人一鍋，我同友人就分別揀咗壽喜湯底同豆乳湯底，個人認為壽喜就比較夾牛肉，而豆乳就比較襯蔬菜 🍲肉類D餐包嘅牛有好多款，有美國肥牛、美國精選牛肉、美國牛板腱、日本黑毛和牛、美國SRF極黑牛，另外都有西班牙栗豚揀🐷 我就最鍾意佢嘅日本黑毛和牛，牛味非常濃🐮 落單嘅食物仲有鮮蝦小雲吞，呢個小雲吞嘅蝦肉餡都幾好食㗎 🥟壽司除咗火鍋配料同肉類係任食之外，壽司都有得任食㗎🍣 我就叫咗鰻魚、火炙三文魚、鱈場蟹棒同北寄貝壽司。不過任食火鍋當然唔食咁多較快飽肚嘅食物啦，仲有好多高質素牛肉等緊我呀🤣 自助吧外面嘅自助吧選擇幾多同埋幾整潔。♦️蔬菜基本嘅蔬菜類都有齊，粟米、油麥菜、生菜、娃娃菜都係我喜愛嘅蔬菜🥬 不過呢度嘅蔬菜切得比較細塊，因為一人一鍋嘅鍋size唔算好大，所以餐廳呢一個設計好貼心。♦️丸類墨汁墨魚丸、芝士丸、芝士腸、海膽丸、台灣腸、豆卜等都有供應，餐廳仲會不時refill食物。♦️小食
湯底
套餐係一人一鍋，我同友人就分別揀咗壽喜湯底同豆乳湯底，個人認為壽喜就比較夾牛肉，而豆乳就比較襯蔬菜 🍲
肉類
D餐包嘅牛有好多款，有美國肥牛、美國精選牛肉、美國牛板腱、日本黑毛和牛、美國SRF極黑牛，另外都有西班牙栗豚揀🐷 我就最鍾意佢嘅日本黑毛和牛，牛味非常濃🐮 落單嘅食物仲有鮮蝦小雲吞，呢個小雲吞嘅蝦肉餡都幾好食㗎 🥟
壽司
除咗火鍋配料同肉類係任食之外，壽司都有得任食㗎🍣 我就叫咗鰻魚、火炙三文魚、鱈場蟹棒同北寄貝壽司。不過任食火鍋當然唔食咁多較快飽肚嘅食物啦，仲有好多高質素牛肉等緊我呀🤣
自助吧
外面嘅自助吧選擇幾多同埋幾整潔。
♦️蔬菜
基本嘅蔬菜類都有齊，粟米、油麥菜、生菜、娃娃菜都係我喜愛嘅蔬菜🥬 不過呢度嘅蔬菜切得比較細塊，因為一人一鍋嘅鍋size唔算好大，所以餐廳呢一個設計好貼心。
♦️丸類
墨汁墨魚丸、芝士丸、芝士腸、海膽丸、台灣腸、豆卜等都有供應，餐廳仲會不時refill食物。
♦️小食
除咗有一大兜嘅炸雞塊之外，側邊仲有個櫃裝住港式街頭小食嘅咖喱魚蛋同埋燒賣😗 炸雞塊食落口仲熱辣辣，炸得幾香脆。
♦️甜品
有個小型嘅甜品櫃入面裝藍莓乳酪、蜂蜜蛋糕、檸檬撻、豆腐花等嘅食物。側邊仲有個雪糕櫃，雪糕雪條都有供應。QR code入面仲可以嗌一啲比較有特色嘅雪條，當中我比較鍾意嘅就係韓式嘅藍莓乳酪雪條，真係有好濃郁嘅藍莓味，同埋有粒粒藍莓喺入面😍
♦️飲品
除咗汽水同埋茶飲之外，餐廳仲有個位置有啲特色少少嘅即斟飲品，例如花旗蔘茶，竹蔗茅根等。
呢間餐廳嘅座位幾闊落，令人坐得幾舒服 。一人一鍋又可以切合唔同人嘅口味，呢餐放題係個好嘅體驗🤨
Post
