道北工房 (Moved) New Location

道北工房是一間新派日本餐廳，除了日式小食和刺身外，其他食物都加入了西式或中式元素。因為朋友堆中都喜歡試新野，所以今次友人A生日，我們就預早在道北訂了枱。＊＊＊＊＊＊＊＊＊＊＊＊＊＊道北工房位置較為吊腳，它位於銅鑼灣和天后站中間，但勝在人不多，可以慢慢食慢慢坐。食日本菜少不了刺身，我們點了幾款不同的刺身share食。油甘魚($130)油甘魚夠厚切，魚油甘香而不膩。羅臼帶子王($136)帶子王味鮮沒有雪味，剪成花瓣狀，令口感更豐富。特級牡丹蝦($136)體形碩大，超鮮甜肉質亦爽彈。三文魚($49)厚切又肥美，油脂分佈平均。芫茜皮蛋肉碎煮大蜆($168)分量挺多，大蜆體形雖然不算特別大隻，但都算厚肉。汁底是芫茜皮蛋，幾特別。重慶香辣鮑魚雞球煲仔飯($128)煲仔飯比想像中大煲，大約可分到六碗，建議四人分吃。重慶香辣雖然只是bb辣，但味道幾惹味，入面都有不少雞球和鮑魚，雞球醃得入味不鞋口，鮑魚有嚼勁不韌口，絕對是全晚亮點。總結，食物定價雖然看似不便宜，但其實份量很多，所以價位都合理，水物水準亦不俗，其中煲仔飯絕對不能錯過。