屋子 (Closed)

今日同屋企人嚟將軍澳行下，經過見到呢間日系純白裝修嘅cafe就入去嘆個下午茶。要留意番下午茶嘅時間淨係規定可以嗌甜品同野飲，冇得嗌熱食。餐牌甜品選擇種類都幾多，有蛋卷，戚風蛋糕，疏乎厘，芭菲，真係好難選擇🤣 草莓焙茶戚風👍🏻蛋糕造型令我諗起富士山🤣十分之討好。戚風蛋糕口感鬆軟，食落有淡淡嘅焙茶味。可惜係草莓有點酸，令到整體感覺唔太夾。桂花烏龍奶蓋茶👍🏻本身都比較鐘意飲奶蓋茶，飲落有淡淡桂花香味，味道清新，配埋柔滑嘅奶蓋，成件事好夾。😛草莓雪山吉士小鬆餅👍🏻個人比較喜歡食迷你鬆餅，感覺冇一大塊咁膩同飽肚。淋上嘅草莓吉士醬酸酸甜甜，都不錯。焙茶麻糬舒芙蕾舒芙蕾配上焙茶雪糕，每一啖都係濃濃嘅焙茶味。不過舒芙蕾口感偏濕潤，沒有想像中咁有空氣感，而且入面嘅麻糬都焗到偏軟身，相對冇咁出色。