Video
Read full review
2023-09-10
183 views
平時星期六日就係要盡情放鬆一下，今次嚟到呢間貓貓Cafe，裏面係日式榻榻米風格，而且座位一啲都唔迫，感覺好溫馨好寫意！呢間貓貓Cafe免入場費，只要叫一份套餐，就可以坐9️⃣0️⃣分鐘，每個套餐都包左沙律或者餐湯同埋一杯嘢飲，超抵食，真係嚟多幾次探貓都唔過分！餐廳有四十幾隻貓🐈🐈⬛，已經用貓圈顏色嚟分辨唔同貓貓嘅性格，大部份都任摸唔嬲，超級乖！客人仲可以叫啲烚雞肉喂貓，比貓圍嘅感覺真係好幸福，所有壓力都瞬間冇晒❤️！------------------------------🍔◖雙層芝士安格斯牛肉漢堡配炸薯角◗ $158個漢堡好厚，裏面夾住兩片車打芝士筒漢堡扒，都幾足料！牛肉味香濃，加上半溶嘅芝士，食落味道夠晒香，啖啖滿足！個薯角都係啱啱炸好，熱辣辣外層好脆，裏面口感好綿密，好食！🥐◖Oreo曲奇雪糕窩夫◗ $88用咗牛角包窩夫，加上一球曲奇雪糕，窩夫好香牛油味有夠脆，一熱一凍咁食好好食！🍗◖日式唐揚炸雞◗ $68唐揚炸雞整得幾香，食落微脆唔會好油，可以點埋蛋黃醬一齊食，味道唔錯但粉漿有啲厚身呢～🍵◖鮮奶抹茶◗ 跟餐+$20呢個抹茶鮮奶抹茶味都幾濃郁，但覺得同奶味唔係融合得咁好，抹茶嘅
餐廳有四十幾隻貓🐈🐈⬛，已經用貓圈顏色嚟分辨唔同貓貓嘅性格，大部份都任摸唔嬲，超級乖！客人仲可以叫啲烚雞肉喂貓，比貓圍嘅感覺真係好幸福，所有壓力都瞬間冇晒❤️！
------------------------------
🍔◖雙層芝士安格斯牛肉漢堡配炸薯角◗ $158
個漢堡好厚，裏面夾住兩片車打芝士筒漢堡扒，都幾足料！牛肉味香濃，加上半溶嘅芝士，食落味道夠晒香，啖啖滿足！個薯角都係啱啱炸好，熱辣辣外層好脆，裏面口感好綿密，好食！
🥐◖Oreo曲奇雪糕窩夫◗ $88
用咗牛角包窩夫，加上一球曲奇雪糕，窩夫好香牛油味有夠脆，一熱一凍咁食好好食！
🍗◖日式唐揚炸雞◗ $68
唐揚炸雞整得幾香，食落微脆唔會好油，可以點埋蛋黃醬一齊食，味道唔錯但粉漿有啲厚身呢～
🍵◖鮮奶抹茶◗ 跟餐+$20
呢個抹茶鮮奶抹茶味都幾濃郁，但覺得同奶味唔係融合得咁好，抹茶嘅口感亦都唔夠醇，叫咗少甜都頗甜，抹茶控表示有少少失望～
🍑◖白桃梳打◗ 跟餐+$15
呢杯白桃梳打正常甜度，飲落啱啱好，幾清新！
🌟Encore指數：8.9/10
Post
