Video
Read full review
2022-06-18
1779 views
呢日陪朋友去太子買嘢，俾一間日系簡約風格門面嘅街舖吸引咗，望一望，原來係間餃子店，二話不說，即刻入去試試～Menu嘅餃子選擇都幾豐富，有12款，另外仲有麵餐同小食原本想試啲比較少見嘅餃子款式：菜芯豬肉餃、洋蔥薯仔牛肉餃、京蔥羊肉餃…… 只不過係六點幾咋喎，已經售罄 🤷🏻♀️結果Order 咗5隻菠菜豬肉湯餃+5隻西洋菜豬肉湯餃 、5隻粟米芝士雞肉煎餃+5隻韭菜豬肉煎餃. 另外再加多款小食🔸湯餃湯底選擇有雞湯或者蕃茄薯仔湯我哋揀咗後者蕃茄薯仔味同菠菜豬肉餃&西洋菜豬肉餃都幾夾個湯好有住家湯嘅風味，唔覺有落味精餃皮薄滑，餡料調味清淡兩款湯餃都好味，不過個人更鍾意西洋菜豬肉餃，因為西洋菜菜味濃郁，同埋西洋菜比菠菜更有口感🔸煎餃Menu 話煎餃需時20分鐘，有哂心理準備要等耐少少，不過食住小食同湯餃嚟等，轉眼就有得食喇～餃子煎得金黃香脆，內裡又保留肉汁韭菜豬肉不嬲都係鍾意濃味嘅朋友嘅首選，夠哂香口個人覺得少見啲嘅粟米芝士雞肉煎餃更出色、更有驚喜！餡料嘅組合有嚟自粟米嘅甜、芝士嘅鹹同雞嘅肉味，出嚟嘅效果係1+1+1 > 3 呢！🔸滷水牛𦟌牛𦟌下面有幾條菜心，補充下今日蔬菜嘅攝取量🤣牛𦟌軟
Menu嘅餃子選擇都幾豐富，有12款，另外仲有麵餐同小食
原本想試啲比較少見嘅餃子款式：菜芯豬肉餃、洋蔥薯仔牛肉餃、京蔥羊肉餃…… 只不過係六點幾咋喎，已經售罄 🤷🏻♀️
結果Order 咗5隻菠菜豬肉湯餃+5隻西洋菜豬肉湯餃 、5隻粟米芝士雞肉煎餃+5隻韭菜豬肉煎餃. 另外再加多款小食
🔸湯餃
湯底選擇有雞湯或者蕃茄薯仔湯
我哋揀咗後者
蕃茄薯仔味同菠菜豬肉餃&西洋菜豬肉餃都幾夾
個湯好有住家湯嘅風味，唔覺有落味精
餃皮薄滑，餡料調味清淡
兩款湯餃都好味，不過個人更鍾意西洋菜豬肉餃，因為西洋菜菜味濃郁，同埋西洋菜比菠菜更有口感
🔸煎餃
Menu 話煎餃需時20分鐘，有哂心理準備要等耐少少，不過食住小食同湯餃嚟等，轉眼就有得食喇～
餃子煎得金黃香脆，內裡又保留肉汁
韭菜豬肉不嬲都係鍾意濃味嘅朋友嘅首選，夠哂香口
個人覺得少見啲嘅粟米芝士雞肉煎餃更出色、更有驚喜！餡料嘅組合有嚟自粟米嘅甜、芝士嘅鹹同雞嘅肉味，出嚟嘅效果係1+1+1 > 3 呢！
🔸滷水牛𦟌
牛𦟌下面有幾條菜心，補充下今日蔬菜嘅攝取量🤣
牛𦟌軟腍，不過麻油味較重，食唔到滷水味
甜記餃子嘅餃子選擇款式豐富，餃子皮薄，餡料嘅調味都唔錯，今日試嘅四款，以粟米芝士雞肉煎餃最有特色！
更為impressive 係呢度嘅簡約裝修，外觀完全睇唔出佢係一間中式餃子店，環境舒適，餐枱間保持相當嘅距離，如果想搵一個坐得舒舒服服嘅地方食餃子，呢到係一個唔錯嘅選擇！
Post
