Video
Read full review
2020-09-30
288 views
咁岩買完野搵食，本身睇中一間泰國鋪，點知開半閘。。。。唯有再搵啦，太子呢頭好多野食，不過都好多人食飯，於是搵左間就腳嘅麵店。一睇裝修係好舊式，似大排檔咁，不過地下算乾淨，至少唔會有紙皮，落單紙，水之類係地下，呢啲地方算係咁啦食方面原本睇唔明點定價，睇下睇下原來係單式$28，雙併$36，三併$43，撈麵又另外價。豆漿$8，味道可接受，似係買現成，甜度高左啲，豆味唔濃牛腩米$31，腩有4-5舊，好香好入味，不過肉質似牛肋條，唔似牛腩。。。。唔緊要，湯底好有色，但好淡味雲吞魚蛋麵$36，雲吞係蝦做餡，好彈牙，魚蛋都唔錯，係潮式白魚蛋，估唔到有件炸魚片頭添，唔知係跟埋定係錯手呢另外麵質都唔錯，一樣彈牙講環境，呢度唔岩有要求嘅人，但係食回憶就岩晒，因為仲有咁樣款嘅裝修嘅食店已經執一間少一間，而且唔係貴而好食的話，盡快去食！
一睇裝修係好舊式，似大排檔咁，不過地下算乾淨，至少唔會有紙皮，落單紙，水之類係地下，呢啲地方算係咁啦
食方面原本睇唔明點定價，睇下睇下原來係單式$28，雙併$36，三併$43，撈麵又另外價。
豆漿$8，味道可接受，似係買現成，甜度高左啲，豆味唔濃
牛腩米$31，腩有4-5舊，好香好入味，不過肉質似牛肋條，唔似牛腩。。。。唔緊要，湯底好有色，但好淡味
雲吞魚蛋麵$36，雲吞係蝦做餡，好彈牙，魚蛋都唔錯，係潮式白魚蛋，估唔到有件炸魚片頭添，唔知係跟埋定係錯手呢另外麵質都唔錯，一樣彈牙
講環境，呢度唔岩有要求嘅人，但係食回憶就岩晒，因為仲有咁樣款嘅裝修嘅食店已經執一間少一間，而且唔係貴而好食的話，盡快去食！
Post
