N+ BURGER

Open Now

Now Closed

講到當紅新區，非啟德莫屬，最新就有矚目既啟德體育園開幕。咁有話題，點都要去行個圈。體育園區裡面真係唔止場館咁簡單，有大商場，食買玩乜都有。其中呢間漢堡，既有新區加持，同時又帶有舊日色彩。講舊時，並非話佢又殘又舊，而係裝修裡面加入昔日機場的元素，好似一啲舊照咁，打咭味濃。餐廳主打漢堡，用澳洲自家牧場嘅牛，優質飼養，優質出品，既健康又安全，令人食得放心。漢堡除咗烙有自家品牌logo，另一大特色，係有飛機的烙印，象徵昔日啟德機場的歷史，加上餐廳的位置，夠晒代表性。日式芥末醬牛前腩漢堡牛前腩既肉質加上爆汁，配上日式芥末醬同埋鬆軟嘅酸種麵包，令人眼前一亮。火焰烤雞漢堡如果想層次感再強烈啲，火焰烤雞漢堡就岩晒，烤雞有肉感，菠蘿酸甜爆汁，加埋新鮮生菜同蕃茄，口感贏晒。食漢堡點可以唔跟炸嘢，薯條薯皇係基本配置，反而要試炸雞柳。炸得香口又唔柴口，有驚喜。抱子甘藍都好特別，迷你椰菜嘅外型，入口微酸，食得開胃。