唐記包點 (黃埔天地奇妙坊)

Open Now

Now Closed

今日放工好肚餓，本來係打算去買個新出既阿華田包....點知又售罄（連續見到幾日都係咁），今日忍唔住問呀姐，佢話要朝早先有得買，之後望下望下就唔覺意買埋今晚晚餐同聽朝早餐返屋企章魚肉餅飯~每啖都有章魚，肉餅係滑身既，又大大塊，仲加埋好多椰菜，食落都健康d..記得要提姐姐多dd汁山竹牛肉+鮮竹卷~點心類就揀左呢2款，有晒茶樓既水準！鮮竹卷好足料（蘿蔔絲，馬蒂，豬肉碎，木耳），好有口感！而山竹牛肉好夠牛味，同酒樓一樣，外面都包左腐皮，絕對可以一止點心隱足料糯米雞~用荷葉包住滿滿既糯米飯，飯中又包住2舊叉燒,咸蛋黃，冬菇，肉碎，雞翼，每一啖都充滿左荷葉香，糯米軟硬適中，味道亦恰到好處，大堆！沙嗲牛肉包+菜肉包（早餐）~大約蒸左10分鐘，2個包都好juicy~每個包都有手掌咁大，做早餐好滿足好飽肚架！