Video
Read full review
2011-03-18
182 views
位於上環干諾道中嘅海南餐廳，鄰近上環地鐵站 C 出口，對於上環返工嘅我相當就腳！一走入去，地方寬敞，比較上環區好多茶餐廳還要大！所以，朝早感覺唔侷促，卡位夠多；坐得較為舒服；加上有電視睇又唔怕悶！侍應隨即送上一杯熱水及餐紙，服務貼心！ 並問我要邊份早餐？早餐選擇多不勝數！！！ Menu 有兩版 A4 size ！ 西式、歐陸式、港式、特色、三文治早餐、營養早餐.......令人花多眼亂！A ~ S ：$16 ~ $28 不等。我只試過其中兩款！B ：皇牌早餐 $23羅宋湯螺絲粉：淡味些少，青椒、椰菜、紅蘿蔔、西芹、螺絲粉好腍！ 似乎煲咗好耐！多士雖然脆，但係上枱已經唔暖！另附有牛油。煎蛋用圓形框框，煎得蛋白圓碌碌，成個太陽咁呀！呢個皇牌早餐不太討好！論價錢相若，羅宋湯螺絲粉味道不及中環 Affinity Cafe http://www.openrice.com/restaurant/commentdetail.htm?commentid=2153150熱杏仁霜味淡，稀如奶水。 其他飲品：咖啡 / 奶茶 / 檸水.....L ：特色早餐：豬扒蛋湯烏冬 $28有煎雙蛋加一塊豬扒，看來幾開
位於上環干諾道中嘅海南餐廳，鄰近上環地鐵站 C 出口，對於上環返工嘅我相當就腳！
一走入去，地方寬敞，比較上環區好多茶餐廳還要大！所以，朝早感覺唔侷促，卡位夠多；坐得較為舒服；加上有電視睇又唔怕悶！
侍應隨即送上一杯熱水及餐紙，服務貼心！ 並問我要邊份早餐？
早餐選擇多不勝數！！！ Menu 有兩版 A4 size ！ 西式、歐陸式、港式、特色、三文治早餐、營養早餐.......令人花多眼亂！
A ~ S ：$16 ~ $28 不等。我只試過其中兩款！
B ：皇牌早餐 $23羅宋湯螺絲粉：淡味些少，青椒、椰菜、紅蘿蔔、西芹、螺絲粉好腍！ 似乎煲咗好耐！
多士雖然脆，但係上枱已經唔暖！另附有牛油。
煎蛋用圓形框框，煎得蛋白圓碌碌，成個太陽咁呀！
呢個皇牌早餐不太討好！
論價錢相若，羅宋湯螺絲粉味道不及中環 Affinity Cafe
http://www.openrice.com/restaurant/commentdetail.htm?commentid=2153150
熱杏仁霜味淡，稀如奶水。 其他飲品：咖啡 / 奶茶 / 檸水.....
L ：特色早餐：豬扒蛋湯烏冬 $28有煎雙蛋加一塊豬扒，看來幾開胃！ 湯底係清雞湯，烏冬當然唔係日本讚岐烏冬，無酸味已經 OK! 有些少煙韌口感，滑溜溜又夠入味！豬扒浸湯之後，食落更 juicy ！肯定無用鬆肉粉，肉質已經夠腍，剪碎，容易用叉拮嚟食，好滋味！雙蛋煎得剛好！蛋黃仍然水汪汪！
熱好立克淡奶落得夠多，水夠熱，帶出好立克特有香味！味道夠濃！有滑溜感！
平平地又想坐得舒服食早餐，呢度都唔錯呀！至於，午餐及晚餐，價錢相對比較貴！下午茶則價錢合理！Post
