檀島咖啡餅店 (海悅豪園)

Open Now

Now Closed

今天諗住去工展會，食完早餐便去維園工展會。早餐諗緊唔知去邊度食，經過一間叫做檀島餅店，原來有早餐食，便入去試下。我們order咗一個餐肉蛋治配咖啡和另一個英式早餐配熱檸水。餐蛋治個麵包好新鮮軟淋淋，餐肉和蛋治都好厚，係好味嘅。但係個咖啡唔香濃，但有啲苦澀味。個英式早餐包括焗豆、煙肉、腸仔、火腿、炒蛋和多士。份量都好多食完都好飽。個炒蛋唔夠滑囉，但係好厚，多士比較乾爭爭同埋好薄，冇乜口感。環境比較狹窄，舖頭大部分嘅地方係買餅、整餅及廚房做早和午餐，座位大概十個位。整體嚟講，不妨一試，因價錢唔係太貴，食物都ok。