L Place Cafe (Closed)

同friend 一早去完深水埗黃金乎近，行去維X諗住食高膽固醇麵，俾幾間維X夾住左間cafe，睇個set lunch唔貴，12:45pm前埋單離枱仲有8折，計計條數，隔離單食碗麵都唔平啦，望望個錶仲趕得切舔到個優惠，我哋娜娜林入去揾位。先黎個薯仔湯，湯內有D薯仔蓉，濃度適中。澳洲西冷扒(7oz)配燒汁，半成熟，火喉掌握都唔錯，薯格炸得脆口唔油。紅酒燴牛肩，三大片淋牛肩，配合微暖法包，好味。餐飲加左18蚊轉左菠蘿蜜餞冰茶奶蓋，奶蓋我只飲過貢X，口感質感相差唔大，賣相及味道唔錯，值得推薦。