山東小城 (西洋菜南街)

Open Now

Now Closed

朋友帶路去咗太子呢一間山東小城 ，原來係大角咀名店嚟㗎，太子呢間係第二分店😍呢度主打山東美食，signature有黑色嘅墨魚餃，朋友係大角咀街坊，佢話好多區外人都會特登走入大角咀食佢🥟食品選擇都幾多🥢價錢仲好親民。一場嚟到一定要食下呢度嘅餃子，叫咗比較少有嘅京蔥羊肉煎餃，一份5隻，饀料飽滿，一咬落去勁多汁😆冇誇張，係爆汁💦羊羶味啱啱好，唔會過濃，夾埋蔥好香。仲點咗一份小食雞絲粉皮，小份已經好大碟，粉皮好煙靭，雞絲嫩滑份量多🐔食完小食就到主食啦，揀咗兩款菜飯🍚紅燒牛肋肉菜飯，牛肋肉煮到好稔好入味，菜飯唔會好油。而炸豬扒就炸到金黃色，香口得嚟無乜油膩感覺，仲幾多肉汁，配嘅蒜蓉辣醬好惹味👍🏻