寶泰船麵 (Closed)

位於旺角廣華街❣︎寶泰船麵❣︎主打食泰國🇹🇭菜，由有三十年泰菜師傅主理，呢到嘅湯底每日新鮮熬製，以豬骨豬筒骨同泰國香料班蘭葉，薑等接近廿種香料熬五，六個鐘而成，真材實料😋👍🏻飲完一啲都唔口乾。❣︎寶泰船麵❣︎$88 lunch套餐內有秘製蝴蝶腩，豬肉片，豬潤，豬肉丸同炸豬皮，超豐富😋呢到嘅蝴蝶腩會先拎去煲湯約兩個鐘，再去炆多兩多鐘👍🏻啖啖心機，入口軟腍。❣︎船麵和牛❣︎$138內有和牛牛小排，牛丸，牛柏葉同炸豬皮，和牛牛小排入口嫩滑濃郁😋湯頭真係好好飲，濃郁得來唔會咸👍🏻❣︎秘製醬汁芥蘭菜❣︎ lunch套餐送芥蘭菜好新鮮，秘製醬汁帶甜同芥蘭好夾。❣︎茅椒荔枝蝦❣︎$48香辣汁酸酸辣辣好開胃，唔會太辣，荔枝配蝦好創新👍🏻啲蝦好鮮彈好大隻😋❣︎泰式凍奶茶❣︎$26味道會清淡啲，茶奶比例唔會太濃。