澳門翠苑餐廳

Open Now

Now Closed

今日去公司附近嘅 #旺角熟食市場 搵嘢食😋。熟食市場真係好多平靚正嘅嘢食架，遲啲再介紹多啲先！😍之前都食過呢間茶餐廳嘅農夫包，覺得幾好食，所以今日就嚟試下佢嘅下午茶餐。因為我哋有幾個同事🚶🏻，所以嗌咗幾樣嘢試吓。「西多士配薯條」🍞🍟（$34）首先講吓份西多士先，外賣盒裏面剩係得半舊多士，份量好少，兩啖就已經食晒。花生醬同蜜糖都俾得唔夠多😞，配埋多士嚟食完全唔夠。而啲薯條雖然炸得好脆，但係裏面係空心嘅，好似食緊空氣咁😫。「咖喱角拼薯條」🍟（$34）雖然寫到明得三舊咖喱角，但係感覺上份量好少，唔係咁抵食。咖喱角嘅質素好普通，係出面買到嘅貨色，食落好乾同冇乜餡，而個薯條都係一樣，唔係咁好食😩。「瑞士汁雞髀撈公仔麵」🍜🍗($37) 公仔麵份量都夠嘅，大大份而且都幾好食。隻雞髀滷得好香好入味，煮得唔太老，亦都冇乜雪味❄️。成個餐整體感覺唔錯，而且$37都唔算貴，幾抵食👍🏻。「五香肉丁煎蛋米」🍳 （$34）係一碗普通嘅米粉，五香肉丁少少辣，配埋米粉都唔錯，不過不失😲。煎蛋就仲有啲流心，咬落仲有啲蛋液流出嚟。