Ghetto Cafe

Open Now

Now Closed

事關呢幾日週末心血來潮，突然之間好想食漢堡包，所以就喺旺角搵一搵有冇邊啲滄海遺珠，結果就真係俾我搵到呢一間舖頭。舖頭裝修都好有特色，好鍾意牆上面嘅graffiti，平時想食漢堡包冇百幾蚊真係落唔到樓，但係冇諗過可以做到咁抵食。‣ 烤洋蔥煎蛋芝味牛肉漢堡 $75個漢堡包超級好味，麵包皮唔會好乾，做到外脆內軟。個蛋煎得啱啱好，一啖咬落去嘅時候仲係流心嘅狀態，相當之吸引。本身個漢堡肉扒亦都好多汁，微微烤過嘅肉香好正。而我好欣賞佢嘅洋蔥，炒得極香極淋身，而本身帶有嘅焦糖香真係令到成個漢堡嘅口感同埋味道提升咗一個層次。而佢啲薯條嘅份量都好足，面頭有啲椒鹽，食嘅時候熱辣辣又脆卜卜，超級滿足。而我覺得最欣賞嘅係佢有果汁可以揀，我就揀咗個青提子汁，超級清新，食完都有啲意猶未盡。