令和鍋物酒場

Open Now

Now Closed

今日夜晚同朋友嚟到旺角試咗「令和鍋物酒場」嘅二人餐，天氣開始轉涼，食返啲熱辣辣嘅壽喜燒真係啱晒！呢個二人餐真係幾豐富，性價比高！餐前小食有個「富士山火焰脆脆薯仔沙律」，個賣相已經好吸引，薯仔沙律入面有薯片、洋蔥、同埋啲香草，食落清新又有層次感。刺身盛合有三品，包括油甘魚、三文魚同帶子，全部都係厚切又新鮮，嗰種鮮甜味係你入口就會感受到嘅。另一道菜係「鹿兒島A4肩胛和牛海膽反卷」，呢個真係好澎湃！薄切生牛肉配上海膽同吞拿魚蓉，一口咬落去，牛肉鮮甜，海膽嘅濃郁味道好突出，真係齋食呢道已經好滿足。小食方面，芝麻雞翼外脆內嫩，咬落去香脆得嚟唔會覺得乾柴，係一個好驚喜嘅小食。至於主打嘅壽喜燒，真係冇得輸！A4肩胛和牛油脂分佈靚到爆燈，燙一燙然後蘸生蛋，入口即溶，滿口香濃；配埋野菜、豆腐籃，湯底甜鹹適中，非常滿足。最後仲有芝士年糕作結，芝士香濃，年糕煙韌，為成個餐畫上完美句號。飲品方面，佢哋都好有心思。首先一杯叫做草色係男子，好清新！佢入面有青檸，薄荷葉等等。另一杯係粉紅草莓菠菠，入面新鮮生果！