新泉發潮州飯店

Open Now

Now Closed

5月中朋友吹雞星期六去旺角食潮州菜，去新泉發食飯聚聚。我哋一行10人坐樓上鋪，樓底比較矮，兩張枱合理8字型咁坐，夾食物就要互相幫忙，好溫馨哈哈😂。我哋叫咗好多款式嘅菜，有滷水鵝片，豬腸，大魷魚，味道可以，合格的。豬紅我冇食，但九菜同啲汁好好味。條魚肉夠彈牙係新鮮。通菜魷魚鐵扳上，夠惹味，喜歡濃味嘅會喜歡。雞煲，菠蘿咕嚕肉，春菜，炒蜆，水準好，份量夠。最後仲叫咗反沙芋，用好多糖沙做嘅，我冇食，朋友話味道可以，係比較切得大小不一，可能客多比較繁忙。係抵食嘅潮州菜，如果要坐得舒服，呢間未必啱你，但如果係為扺食夾大件，我覺得值得再食，試理其他菜。