尚膳養顏滋補鍋

Open Now

Now Closed

好耐冇食打邊爐,難得閨蜜們都想邊邊爐，幾個女仔見到養生美人邊爐，異口同聲表示想食！餐廳位置唔算難搵，旺角站落車行5mins左右就到，地方都算寬敞舒適，坐得都舒服，裝潢帶點中國風。食物方面尚膳養顏美容鍋雙拼麻辣鍋小辣可以滿足我地兩個願望，辣唔辣任君選擇🥰湯底超級足料，有一隻烏雞，加買養生食品，例如人參，淮山，桂圓，紅棗，桃膠......熬出來嘅湯鮮甜好味。我地都忍唔住飲左一碗先。海鮮拼盤有魚，蝦，花甲，聖子，海鮮新鮮，即使冇點任何醬料都好鮮甜，正！新鮮本地牛頸脊肉質嫩滑，肥瘦適宜，最重要係夠新鮮，鍾意食本地牛🥰什菜籃好多款唔同嘅菜，份量都好多呢，足夠三到四個人食，都好新鮮，所以好快就清曬😆芝士牛肉丸鍾意食芝士同牛肉嘅朋友可以一次過滿足兩個願望，牛丸好彈呀，加埋芝士好夾。下次要再黎，欣賞d食物都夠新鮮，服務態度好好，例如會主動詢問係唔係要圍裙食麻辣鍋以免彈到衣物難清潔。