Video
Read full review
2023-03-27
8 views
黑布街平時比較靜同少人，經過見到呢間舖裝修勁型格，好有外國style！以 HIPHOP 文化為主題嘅漢堡包店，店內播放唔同國家嘅 HIPHOP 音樂，並有多幅香港塗鴉藝術家 UNCLE 創作嘅 GRAFFITI，以及美式街頭風格裝置！入面用左滑板場嘅元素再加塗鴉，勁型勁有街頭風格，係酒吧xBurger！日頭飲咖啡，夜晚有特色調酒飲，漢堡全日都有得食，真心好正！嘢食都唔貴，最平$45有個burger，加$18有set連薯條嘢飲，真平民價錢，重點係真心好食同有誠意💞🍔滋味粒粒巨蝦堡 $90 另收加一 (7.8/10)麵包有煎香過甜甜哋，好鬆軟，好有牛油香，蝦堡係即叫即炸，食到一粒粒蝦肉，比較鹹香，肉質有彈性，幾唔錯！🍔 貧民窟大魔王漢堡 $110 另收加一 (8.5/10)入邊有薯餅煙肉兩層牛肉餅再加洋蔥芝士，真係好厚，食落去牛肉係手打肉質比較鬆散有肉汁，有牛肉嘅香味，加埋洋蔥好香口，好麵，薯餅同煙肉係更加豐富咗成個包嘅層次，增加左香脆鹹香嘅口感，真心好食。🦑吉列魷魚圈 $68 另收加一 (8.5/10)魷魚圈即叫即炸，炸粉後到啱啱好，入面係新鮮嘅魷魚，食得出魷魚嘅香味，加埋茄汁就真係好滋
以 HIPHOP 文化為主題嘅漢堡包店，店內播放唔同國家嘅 HIPHOP 音樂，並有多幅香港塗鴉藝術家 UNCLE 創作嘅 GRAFFITI，以及美式街頭風格裝置！入面用左滑板場嘅元素再加塗鴉，勁型勁有街頭風格，係酒吧xBurger！日頭飲咖啡，夜晚有特色調酒飲，漢堡全日都有得食，真心好正！
嘢食都唔貴，最平$45有個burger，加$18有set連薯條嘢飲，真平民價錢，重點係真心好食同有誠意💞
🍔滋味粒粒巨蝦堡 $90 另收加一 (7.8/10)
麵包有煎香過甜甜哋，好鬆軟，好有牛油香，蝦堡係即叫即炸，食到一粒粒蝦肉，比較鹹香，肉質有彈性，幾唔錯！
🍔 貧民窟大魔王漢堡 $110 另收加一 (8.5/10)
入邊有薯餅煙肉兩層牛肉餅再加洋蔥芝士，真係好厚，食落去牛肉係手打肉質比較鬆散有肉汁，有牛肉嘅香味，加埋洋蔥好香口，好麵，薯餅同煙肉係更加豐富咗成個包嘅層次，增加左香脆鹹香嘅口感，真心好食。
🦑吉列魷魚圈 $68 另收加一 (8.5/10)
魷魚圈即叫即炸，炸粉後到啱啱好，入面係新鮮嘅魷魚，食得出魷魚嘅香味，加埋茄汁就真係好滋味！
🍴 水牛雞翼 $78 另收加一(7.5/10)
雞翼有炸香過，食落去酸酸辣辣，辣嘅味道都幾出，佢陪咗個藍芝士醬汁，淡淡嘅芝士香味，添加左鹹香濃厚嘅香味！
🍓士多啤梨奶昔 $48 另收加一 (7/10)
奶昔不嬲都係邪惡之選🥤士多啤梨味幾香，唔會太甜，食到少少士多啤梨籽。
🥭芒果奶昔 $48 另收加一 (7/10)
芒果味都幾香，不過比較淡。
推薦指數: 8.5/10
旺角好就腳，型格打卡飲嘢都得，支持下誠意小店🫶🏻😆
Post
