大瀛喜日本料理 (Closed)

今日同朋友都做左成日野，極度肚餓，諗都唔諗就入左黎食放題，除左因爲近地鐵站外，其他朋友都成日會黎呢到食dinner。咁我同朋友一黎就係咁嗌刺身先，我地加埋嗌左近50個三文魚同鮑片，比較得意既係佢真係黎足比我地，冇漏單。跟住我地就緊係嗌燒物。我地嗌左羊架、牛舌、炸蠔、一口牛、雞軟骨等等。我地都覺得羊架係最好食既，仲非常多肉！我地加埋食左成8隻😂😂我之後仲嗌左個牛肉鍋。因為今日既天氣都非常凍，食個暖笠笠既牛肉鍋就岩哂喇！牛肉鍋除左有牛肉外，仲有豆腐、菜、金菇等，而且個湯都幾甜，勁好味！呢到既職員都幾有禮貌，放題咁chur既環境下都盡量咁做，服務態度非常好。而且環境唔錯，甜品都有好多選擇，值得再黎。