Video
Read full review
2023-05-02
92 views
旺角· 「泰」出色精緻料理青花📍旺角奶路臣街17號The Forest 1樓107-108號舖➰好歌推介「無視道與理是與非非，繼續往天飛再去遁地，在煩亂之中找到氧氣，擺～著烏龍燃起」.#神奇的糊塗魔藥 #林家謙➰啱啱過去嘅幾日長假，相信大家都感受到各區鬧市嘅人潮鼎沸，不少遊客及本港市民都外出活動，大概是近年難得一見嘅光景，不過風光背後，筆者卻留意到一則趣聞，係五一黃金週本港酒店報復式加價之下，連賓館板間房也索價六千元，甚至有酒店連大堂梳化位亦都出租，令筆者大開眼界。.各地文化差異暫且不提，但這樣殺雞取卵的消費經濟是否可以長久為香港帶來效益，筆者表示有保留，筆者深信只有長久提供優質服務及食物出品才是令顧客回頭的關鍵。.今日同朋友去旺角睇完波鞋，就嚟到依間位於旺角波鞋街約2分鐘路程嘅泰式餐廳，餐廳有半開放式吧枱，加上落地大玻璃，令餐廳採光度十足，樓底亦高，整體用餐環境舒適。侍應安排就座後，我地發現仲有一個戶外露台空間，餐枱坐椅更用上露營風格設計，非常寫意。.➰SALAD & SNACK✥芒果蟹肉沙律 💲118 ⭐️4.2/5⭐️沙律上枱顏色繽紛，份量豐富，蟹肉及芒果堆砌至小山丘般，而且芒果入
青花
📍旺角奶路臣街17號The Forest 1樓107-108號舖
➰好歌推介
「無視道與理是與非非，繼續往天飛再去遁地，
在煩亂之中找到氧氣，擺～著烏龍燃起」
.
#神奇的糊塗魔藥 #林家謙
➰
啱啱過去嘅幾日長假，相信大家都感受到各區鬧市嘅人潮鼎沸，不少遊客及本港市民都外出活動，大概是近年難得一見嘅光景，不過風光背後，筆者卻留意到一則趣聞，係五一黃金週本港酒店報復式加價之下，連賓館板間房也索價六千元，甚至有酒店連大堂梳化位亦都出租，令筆者大開眼界。
.
各地文化差異暫且不提，但這樣殺雞取卵的消費經濟是否可以長久為香港帶來效益，筆者表示有保留，筆者深信只有長久提供優質服務及食物出品才是令顧客回頭的關鍵。
.
今日同朋友去旺角睇完波鞋，就嚟到依間位於旺角波鞋街約2分鐘路程嘅泰式餐廳，餐廳有半開放式吧枱，加上落地大玻璃，令餐廳採光度十足，樓底亦高，整體用餐環境舒適。侍應安排就座後，我地發現仲有一個戶外露台空間，餐枱坐椅更用上露營風格設計，非常寫意。
.
➰SALAD & SNACK
✥芒果蟹肉沙律 💲118 ⭐️4.2/5⭐️
沙律上枱顏色繽紛，份量豐富，蟹肉及芒果堆砌至小山丘般，而且芒果入口非常香甜，十分開胃，推薦。
芒果蟹肉沙律
7 views
0 likes
0 comments
.
✥泰脆炸豬手 💲148 ⭐️4.1/5⭐️
原隻豬手上枱，肉眼可見嘅香脆，除咗外皮香脆啖啖肉之外，仲食到豬手嘅骨膠原質感，層次好豐富，仲可以點埋泰式酸汁更加惹味。
泰脆炸豬手
5 views
0 likes
0 comments
.
➰BARBECUE
✥炭燒豬頸肉 💲118 ⭐️4.1/5⭐️
豬頸肉份量亦都好多，餐廳已經預先切好，原味入口調味已經好足夠，想再刺激D嘅朋友可以點埋酸辣青醬，更加醒神開胃。
炭燒豬頸肉
7 views
0 likes
0 comments
炭燒豬頸肉
8 views
0 likes
0 comments
➰Rice
❀泰式虎蝦金邊粉 💲138 ⭐️4.1/5⭐️
兩大隻虎蝦迄立於金邊粉之上，上枱已經聞到非常香，炒金邊粉亦無令我地失望，鑊氣足夠調味亦好足夠，蝦肉彈牙爽口，朋友足足食咗3碗添，非常滿足。
泰式虎蝦金邊粉
8 views
0 likes
0 comments
.
➰Drink
蝶豆花青檸茶(壺) 💲56 ⭐️4.2/5⭐️
本身同朋友一人一杯飲品，但店員溫馨提示依壺蝶豆花青檸茶份量好多，足夠兩人飲用，所以我地就決定先飲咗依壺再作打算。
.
店員所言非虛，蝶豆花茶是以湯碗份量上枱，上枱時分配左兩個碗仔，一碟檸檬，一小壺青檸汁比我地加入蝶豆花茶搞拌，朋友慢慢將青檸汁加入，原本深藍色嘅蝶豆花茶因為酸性漸變成紫色，更加鮮艷，入口冰涼酸甜，消暑解渴，而且飲得又玩得，非常推薦大家一試。
蝶豆花青檸茶(壺)
11 views
0 likes
0 comments
.
➰總結
餐廳每道菜式嘅配搭顏色鮮艷賞心悅目，食物份量豐富，調味亦好出色。餐廳室內滿坐之後，原來室外嘅露營枱凳並唔係裝飾，係真係可以比人戶外用餐，有機會下次都想坐戶外寫意一番，鐘意食泰菜嘅朋友一定要嚟試下依間泰式餐廳。
.
➿➿➿
Post
