GRIND SIZE

Open Now

Now Closed

喺旺角想求其食返餐，都會去女人街睇睇。💡經過呢間餐廳就畀畀門口嘅「窮撚賣咖啡」霓虹燈牌吸引住！餐廳有兩層，入面純白色嘅裝修配上波希米亞風嘅毛毯同乾花裝飾🛟，可以揀坐 bar 枱、梳化、普通凳或者塌塌米，😊每一個角落感覺好輕鬆。食物上以西式為主，有輕食、主菜同甜品。☕️無論食早午餐、下午茶定晚餐都OK，可以約埋閨蜜放假去吹水，又或者放工拍拖都唔失禮。🥗價錢屬中高價，而且有最低消費，喺女人街嚟講算比較高級。🍳蟹籽明太籽流心西班牙蛋餅 $98上網見到啲人話個蛋餅係必食，開頭覺得好奇怪，點解蛋都要 $98 咁貴。原來佢好厚，切開入面唔止流心，仲有滿滿嘅芝士可以拉絲，仲有啲類似雜菜嘅粒粒，上面嘅蟹籽同明太籽都算多，鮮甜開胃，好足料，唔係蛋咁簡單呢！又可以打卡，又飽肚，仲幾好食𠻹！🍝煙三文魚‧松葉蟹肉‧明太籽‧貓耳粉 $148煙三文魚卷成花，加埋粉色嘅明太籽醬，顏色好搶眼。貓耳粉幾彈牙，每粒都包住滿滿嘅明太籽同松葉蟹肉，非常惹味！🧇芋泥奶黃牛角窩夫 $88呢個芋泥控一定要食！鬆脆嘅牛角窩夫鋪咗層勁厚勁多嘅嘅芋泥同奶黃，唔會太甜唔會太膩，但就有滿滿幸福感！