Video
Read full review
2022-06-25
64 views
放假同男朋友響MOKO睇完戲，就打算行下街再返歸，無意中見到呢間幾正既茶飲店。平時我會叫茶飲做肥仔水😂估唔到茶飲都可以養生，仲有QQ造型蛋糕仔，一於試試佢先🥺>紅莓慕絲：外型好似Cupcake咁，細細件，紅莓味食落酸酸地幾開胃，中間仲有層紅莓Jam，慕絲幾滑，口感柔軟輕盈。>玫瑰荔枝慕絲：呢款好少女，打卡好靚，外層有超薄既朱古力，食落有淡淡玫瑰清香味，中間仲有荔枝味啫喱，三樣野都幾夾，層次較為豐富！>紅棗枸杞銀耳露：平時我響Office都會沖桂圓紅棗枸杞茶，所以見到呢款就即叫，雪耳多到成杯都係，煮到濃郁又滑溜，一杯集齊補氣、美顏+養生功效🥰>皇牌氣血茶：呢杯飲落好有花茶味，有少少回甘，因為加左康仙花、玫瑰、金盞菊、紅棗、桂圓等材料煮成，我寒底平時成日手腳冰冷🥲間唔中飲下都幾好。
就打算行下街再返歸，
無意中見到呢間幾正既茶飲店。
平時我會叫茶飲做肥仔水😂
估唔到茶飲都可以養生，
仲有QQ造型蛋糕仔，
一於試試佢先🥺
>紅莓慕絲：
外型好似Cupcake咁，細細件，
紅莓味食落酸酸地幾開胃，
中間仲有層紅莓Jam，
慕絲幾滑，口感柔軟輕盈。
>玫瑰荔枝慕絲：
呢款好少女，打卡好靚，
外層有超薄既朱古力，
食落有淡淡玫瑰清香味，
中間仲有荔枝味啫喱，
三樣野都幾夾，層次較為豐富！
>紅棗枸杞銀耳露：
平時我響Office都會沖桂圓紅棗枸杞茶，
所以見到呢款就即叫，
雪耳多到成杯都係，
煮到濃郁又滑溜，
一杯集齊補氣、美顏+養生功效🥰
>皇牌氣血茶：
呢杯飲落好有花茶味，有少少回甘，
因為加左康仙花、玫瑰、金盞菊、紅棗、桂圓等材料煮成，
我寒底平時成日手腳冰冷🥲
間唔中飲下都幾好。
Post
