香馥樓

Open Now

Now Closed

食嚟食去都係中菜最吸引，但係要搵到一間比較傳統嘅粵式菜式就比較難，經過小編嘅實試之後呢一間值得推薦。入到去俾人感覺好grand ，連啲枱布都係閃令令，加上佢嘅餐具有別緻嘅圖案，茶壺亦都有蠟燭一直溫熱住，感覺已經非常之好！當日食咗一個燉湯，除咗燉湯亦都用上紫砂煲，入口特別暖。蜜汁叉燒肥瘦，肉質都幾彈嫩，醬汁亦唔會太濃味，送飯一流！又或者可以好似我咁叫多一個粉絲煲，蟹肉鮮甜，粉絲夠乾身，惹味。最後一定要清一清喉嚨，叫返個楊枝甘露甜品，好多料而且甜度剛剛好。特別要讚吓餐廳嘅服務，會主動幫忙用熱水清洗餐具，大時大節仲可以book VIP房添。