星巴克咖啡

Open Now

Now Closed

好耐無食星巴克既蛋糕，而家多左好多款式！見到呢兩款造型精緻既芒果流心乳酪蛋糕同抹茶朱古力蛋糕好吸引，馬上買黎下午茶試試！芒果流心乳酪蛋糕 $45賣相就差d，因爲上面d忌廉已經溶溶地，但係我明明放左係雪櫃。一切開，真係有芒果流心餡料，仲要係有雙層，味道好好味，唔知點解有d似蛋黃味！外層係香滑的淡忌廉乳酪慕斯，口感輕盈！海棉蛋糕話有檸檬味同加入左乳酪製作，不過唔太食得出，可能因爲份量唔多。再以雛菊形狀既朱古力作點綴，好可愛。味道幾有層次，唔錯唔錯。抹茶朱古力蛋糕 $43抹茶朱古力蛋糕以黑森林蛋糕為蛋糕底層，加上香濃滑溜既抹茶忌廉同抹茶jelly面皮，抹茶味道好突出，我鍾意！話中間加入左軟心朱古力，不過唔多覺。又話頂層上有覆盆子脆粒同朱古力牌，覆盆子脆粒又唔多覺。不過抹茶味道真係無錯！呢個價錢有呢個分量同層次感都算唔錯啦。平時呢個價錢既高檔蛋糕比呢兩個細d。