Elephant Grounds (Fashion Walk)

Open Now

Now Closed

宜家人大左，同朋友都愈來愈忙，真係忙裡只能抽空brunch 一brunch. 星期六去銅鑼灣又帶住隻狗仔，真係唔係好多地方可以去到。得百德新街啲餐廳先至歡迎狗仔入去，我哋兩個女仔又想食得健康啲。咁就揀咗入去呢度食，帶住狗仔嘅關係所以坐出邊。環境好舒服好friendly, 木枱木凳配搭得好好。又可以同隔離枱的狗主人傾下計，同狗仔又有伴玩。叫左個非常健康又色香味俱全的acai bowl 同avacado toast。五顏六色擺得好靚未食淨係見到心情都即刻靚晒！食落去啲水果好新鮮清甜所有野都好夾。自己好鍾意食牛油果嘅，餐廳有嘅時候我一定會點嘅。個avocado toast 牛油果好軟好滑，個麵包又烘得岩岩好唔太硬又唔軟，脆口感覺！令到我自己都好想返屋企煮啲咁嘅早餐食