楊氏肉骨茶 (Closed)

同事提議食肉骨茶，小妹就早啲去攞位。店子坐位有限，等咗幾個字，先有張五人枱。坐下即刻叫餸，我地全部都揀細嘅原味肉骨茶煲，小妹要了個米綫同例湯，有同事要飯，再加一個甜品大菜糕。其中一個肉骨茶煲送嚟時仲係度滾緊，好犀利呀。原味肉骨茶煲有腩肉，腐皮，蘑菇，豆泡等，材料不算太多，各樣都夠入味，湯濃得來不會太重藥材味，小妹不太喜歡藥材味濃郁的湯；加入米綫一齊食，剛剛好，好味。是日例湯係菜乾排骨湯，中式的，不知是否星馬方面沒有還是甚樣，不過湯味都OK好。大菜糕不是一般透明的，而是棕色的，質地比較散而軟滑，我地試用牙籤拮起都不成功，小妹將糕一分為二，才成功拮起，可見真係幾軟，幾甜，除了甜大菜糕本身都無乜味。不知是否食完肉骨茶的關係，感覺周身都好熱，若果天冷食會不錯，食完成身暖粒粒，超正。