春嬌越南河

Open Now

Now Closed

志明與春嬌就睇得多，春嬌呢間餐廳你地又有冇聽過？今次就黎呢間店試下佢地嘅招牌牛骨湯粉。餐廳裏面嘅環境相當闊落，枱枱櫈櫈唔會大得好迫夾，坐住慢慢食咗好舒服嘅。 招牌春嬌火車頭 $73呢個係佢哋嘅招牌牛骨湯粉，裡面有花膠、生牛肉、牛腩、牛丸。成個分量都唔算多，花膠爽口，牛肉類都易咬，牛丸爽口彈牙，都有啲牛味。個湯底就偏清少少，唔會話好濃，不過都唔難食，整體算不過不失。 另外仲有杯龍眼冰，龍眼肉爽甜，成杯飲品夠凍夠甜，係夏天嘅消暑恩物。