Shibui 洋食屋 (Closed)

唔講唔知原來九龍城都有唔少超級打卡able嘅cafe，啱曬同閨蜜嚟影相食嘢👭 呢間小店以懷舊復古風為主，樓底好高，空間感十足，食物方面提供多款日式料理，價錢合理，值得到訪！前菜有沙律，蔬菜新鮮，番茄酸甜適中，好鍾意灸燒鰈魚裙邊，油脂豐富，入口即化，下面配上自家製番茄果凍，新奇又特別嘅配搭😗呢度嘅甜品好可愛，布甸應該係必點item，復古style，好似卡通片見到嘅，布甸動L，有蛋香氣，楓糖漿甜甜地，仲有粒糖漿車厘子添🍒 芝士蛋糕細細一件，濃重奶香氣，值得一試～ 今川燒有兩款口味，即叫即整，新鮮熱辣辣，外層脆身，裏面軟熟，吉士醬唔多，入口creamy，紅豆帶點咬口，上面放上一球雲尼拿雪糕，冰火交替，性價比高☺️飲品方面有唔少選擇，Red Fuji以洛神花茶、玫瑰同雜莓醋混合而成，酸甜可口，加埋cream更加邪惡😝 菠洱梳打好特別，菠蘿、陳皮、普洱、紀州南高梅，味道難以用文字形容😂 4.3 抹茶鮮奶都唔錯，各有千秋👍🏻