泰國人海南雞 (Closed)

前排同兩位友人因帶寵物去大圍睇醫生關係，所以喺大圍食飯，大家見有間泰國人海南雞，見佢近來開咗咁多分店，於是去試一試，三人一同都係食海南雞，首先要講吓環境，張檯超超超....細，我諗佢唔suggest食客叫多過一樣野食囉，一張超細圓檯，坐兩人，每人放左一碟飯都已經容納唔到其他食物勒！當碟飯嚟到，一睇就知求其，草草比你幾件雞，油飯，一碗湯，一杯野飲，盛惠$38蚊，價錢唔係大眾化，但食物質素就超差，雞真係冇雞味，飯不過不失，湯飲完後，大家勁口渴「真係落重料」，兩位朋友飲咖啡，異口同聲話飲唔到咖啡味，好彩我係飲汽水jet！食過一次之後，冇下次喇！