Video
Read full review
2017-11-12
138 views
秋冬起三蛇肥，雖則這陣子的天氣還是熱辣辣的，但已經心絲絲去 ”進寶” 啦! 朋友最近搬了去美孚，說附近酒樓有蛇宴吃，問我去不去試試？講真的，觀塘吃蛇膽就試過，但酒樓有蛇宴真的好少，所以決定去試一下!今次這個餐叫 ”秋冬進補宴”，其實有蛇肉的菜式只有三款：打頭陣的是 ” 菊花五蛇羹”，望落去雖則似碗仔翅，不過其實很多蛇絲在入面，很重蛇味，加上脆片更加香口，再加胡椒粉可以＂劈＂到腥味，整體來說，幾滋味！第二味菜是 ” 七彩炒蛇絲”，味道都ok，重點是蛇絲是 "一抽抽"，很有咬口啊！ 不過最搞笑的是，綠色一條條的，我起初以為是蒜心，但原來我朋友說是韭菜花黎，真的很少吃到!第三味菜是 ” 黃金五蛇丸”，這個最精彩，不得之了，樣子是一粒大大炸魚蛋咁! 但其實入面全部都是蛇黎，亦係三道蛇菜當中，最重味既一款，一咬落去就充滿蛇味，而且加了陳皮劈腥，認真唔錯! 但係同行另一個朋友無乜食開蛇，佢有少許受不了這個味道!“京都薈” 裝修幾靚, 環境又乾淨. 原來佢地仲會做婚宴, 不過今日冇, 哈哈! 除左蛇宴做主菜之外，還有蒸龍躉 (個魚ok，不過亮點落在雲耳上，因為好入味，正)、芥蘭炒臘味 (臘腸幾好味，
今次這個餐叫 ”秋冬進補宴”，其實有蛇肉的菜式只有三款：
打頭陣的是 ” 菊花五蛇羹”，望落去雖則似碗仔翅，不過其實很多蛇絲在入面，很重蛇味，加上脆片更加香口，再加胡椒粉可以＂劈＂到腥味，整體來說，幾滋味！
第二味菜是 ” 七彩炒蛇絲”，味道都ok，重點是蛇絲是 "一抽抽"，很有咬口啊！
不過最搞笑的是，綠色一條條的，我起初以為是蒜心，但原來我朋友說是韭菜花黎，真的很少吃到!
第三味菜是 ” 黃金五蛇丸”，這個最精彩，不得之了，樣子是一粒大大炸魚蛋咁! 但其實入面全部都是蛇黎，亦係三道蛇菜當中，最重味既一款，一咬落去就充滿蛇味，而且加了陳皮劈腥，認真唔錯! 但係同行另一個朋友無乜食開蛇，佢有少許受不了這個味道!
“京都薈” 裝修幾靚, 環境又乾淨. 原來佢地仲會做婚宴, 不過今日冇, 哈哈!
除左蛇宴做主菜之外，還有蒸龍躉 (個魚ok，不過亮點落在雲耳上，因為好入味，正)、芥蘭炒臘味 (臘腸幾好味，芥蘭炒得好脆，但就油了點) 、古法羊腩煲 (不過不失啦，可能我喜歡羊臊味，所以我覺得佢個煲淡左少少)
今次這個餐其實都好多味菜，不過最後既臘味糯米飯真係好好食，炒得夠干身，很有臘味既香，就算好飽我都食晒成碗，哈~~
(美中不足的是...這個餐沒有送糖水，如果有就滿足喇 ^^)
Post
