昼月

Open Now

Now Closed

👉週末瞓到自然醒，嘆個任飲任食放題最好不過～～～📌昼月假日午市放題 $298 ～ 120分鐘任飲任食❤️☝️坐低一陣，店員會附上一個QR code， 掃碼點餐好方便。。。仲忙於點餐之際，店員已奉上每位1份 磯煮鮑魚併特選刺身三點 ～ 鮑魚入味但不過咸，刺身款款新鮮，點少少🤏豉油芥辣已成極品。📌自選刺身有三文魚、油甘魚、間八、赤蝦、帶子⋯重質不重量，試齊呢幾款，留肚食其他啱啱好⋯📌炸物做得出色，日式吉列蠔炸得香脆，鮮味十足，小心蠔汁從口中彈出⋯😁📌燒物全部即點即燒，燒鯖魚、燒雞翼串～ 外皮脆卜卜，肉汁豐富。燒虎蝦成隻手掌咁長，叫咗幾次，隻隻爽口彈牙，絕不欺場。🤩📌壽喜燒野菜鍋 ～ 鍋底壽喜燒汁甜甜哋，野菜吸收咗湯汁，唔使調味已經夠味。日本豚肉火鍋片、安格斯牛肉火鍋片，有豬又有牛，令野菜鍋生色不少。🥳📌仲有迷你海膽丼，不過實在無位，要留待下次了。📌甜品有雪糕、刨冰🍧，汽水刨冰口感輕飄飄，冰凍透心涼。。。☺️☝️睇返介紹，全店刺身食材均從日本🇯🇵空運到港，怪不得質素上盛⋯👏 店員有禮，環境舒適，週末大滿足😍😍🏬 昼月 (銅鑼灣)🚦 銅鑼灣謝斐道535號Tower 535 3樓301號舖