Futago HK大阪燒肉

Open Now

Now Closed

比起啲高級燒肉呢度其實完全唔差，仲可能有意外驚喜，一開始以為係純日式料理，點知入面原來好多都係日韓混合。1. 香葱塩燒牛舌 👍🏻食完一次再encore，冇肉腥或血味，但有好香嘅牛肉油脂味。2. 厚切特上牛舌👍🏻兩款牛舌都好食，但我更愛薄切因為較為入味。3. 和牛火炙壽喜燒👍🏻好得意，燒完包住玉子同細細粒飯團嚟食，塊牛好薄，飯都好少，但係少食多滋味。4. 一本壼漬牛肋條 👌偏韓式，醬料味較重。5. 香葱玉子飯👍🏻食燒肉必配香葱玉子飯！以前唔識食以為下下都啖啖肉先正，錯！食住飯食先冇咁油膩，同埋胃口更好。6. 海膽玉子飯👎尚可啦，冇乜海膽味，唔建議嗌。7. 牛三角肉 👍🏻好好味，蘸辣油或者wasabi 食，我認為乜都唔點已經夠晒好食，主要係舊牛本身優質，朋友就覺得點wasabi 成個味道level up 咗。8. 塩醬牛小腸👍🏻平時啲小腸好易好韌同有陣怪味，呢個幾好。所以都叫咗兩轉。食完佢贈送每人一小杯乳酪，好飲，唔係超市嗰啲落一大堆糖夾硬整到甜嗰種。同埋飲完即刻冇咁油。我哋叫咗好多嘢食，晚餐埋單每人三百左右，比預想中抵食喎，便過好多地方又幾好食，會再光顧。