馬場洞烤肉專門店 (新城市廣場三期) (Closed)

沙田食晚飯，多人、要等位，理解嘅，但呢間野入座起計得1個鐘真係第一次聽。晚餐喎，至少都一個半鐘啦。等差唔多15分鐘先上齊菜，一個鐘吹你走，意思即係食飯唔好講嘢，嗱嗱聲食完嗱嗱聲走，唔好阻住人哋張枱比下一個餐飯未食完，就催你埋單，過嚟執枱，我真係冇下次。冇食烤肉，唔知道質素如何。牛胸大醬飯認真麻麻，湯冇肉味，肉似肥牛，收98未加1。環境可以，座位稍為迫啲，但可以接受。不過你想傾偈就難啲，因為成間嘢超級嘈，基本上講嘢要用嗌。