24食坊

Open Now

Now Closed

幫襯過兩次，第一次係中午時份幫襯個女侍應好好人，揀飲品嗰時仲問我如果想唔凍可以自己去攞啲唔凍嘅。咁我咪諗住夜晚都去支持下囉，點不知夜晚嗰個男侍應，一入嚟已經西口西面，明明有好多張枱冇人坐都逼我坐張超窄嘅二人枱（我哋係兩個人），咁都算啦可能佢之後有好多客人，咁我咪攞張圓凳去放背囊囉，點知咁樣都要畀佢話，然後叫我記得擺返原位（其實只有一米嘅距離）。 最激氣嘅係，我攞啲唔凍嘅飲品喺雪櫃隔離，佢竟然衝過嚟話唔可以咁樣，我話想要啲唔凍嘅，佢話呢度冇唔凍喎。。。。。做侍應做得你咁衰不如唔好做啦。。。。食物就正正常常啦，都算平嘅，但係夜晚嗰個男侍應就真係極品啦，大家如果想去受氣就記得去幫襯呀！