陳師傅點心專門店 (Moved) New Location

本來約friend食dinner, 之後話lunch, 跟住就不如食早餐。。。。 結果去咗飲早茶飲早茶絶對唔係問題， 最大問題係飲完早茶要返工 真係行屍走肉嘅一日不過好好彩， 呢間點心鋪冇揀錯， 即叫即整，又好好食~ 細細間點心鋪， d款式都好多，食到好飽，都好滿足， 不過最衰係要返工囉。。。 作為一隻港豬， 食飽係應該瞓覺架.我朝早8 點去到， 佢啱啱開鋪， 都冇乜人， d位可以任你坐， 點心紙都好多嘢揀， 我地第一round叫咗魚子燒賣皇，瑤柱鮮蝦豆苗餃，翡翠鮮蝦腸，北海道棉花雞，流沙黃金煎堆仔。 佢d蝦真係好好食，真係配得上"鮮蝦"呢兩個字，超彈牙，勁有蝦味， 又大隻， 真心正. 佢嘅燒賣好似d舊式茶樓嘅切肉燒賣咁，好有咬口， 唔係用機攪碎d瘦肉， 好好味！！！ 佢d燒賣一籠兩隻， 人少少啱啱好，可以食多幾款其他點心。 瑤柱鮮蝦豆苗餃真係好多料， 通常食d 豆苗餃都係得幾條豆苗， 但係呢粒嘢真係滿滿嘅豆苗， 好香豆苗味同好好食(我搶到第三粒嚟食).北海道棉花雞都好正，d雞好滑， 好多棉花， 真材實料. 最不得了係個流沙黃金煎堆仔， 本來驚佢凍咗唔流， 所以趁熱食， 一咬落去。