Wheatfield X 羅宋湯專門店 (MOKO新世紀廣場) (Closed)

之前見moko 開左一間專門食羅宋湯既專門店，但一直都冇去試，今日係moko睇戲之前又未食野，所以專登去試下依間羅宋湯，入去坐底就見佢有寫底羅宋湯既歷史係由俄羅斯傳入黎，今日又長知識了。 打算簡簡單單就食啲野就去睇，所以就叫左兩個海派羅宋湯牛腩套餐，佢可以加12蚊換啲小食。整體黎講，唔算太差，但個羅宋湯同餐湯既味道都幾似，只不過味道比較濃，小食麻辣雞絲還可以，但豬脾肉就麻麻的。下次未必會再黎食，唔係太吸引，價錢比較貴。