宏 (Moved) New Location

今日去尖沙咀與友人睇戲行街，lunch 就去左食日本嘢。食店外表裝潢有日本風味，但骨子裡又是另一會事，滿有譚仔風味。食肆員工似譚仔的職員，閒時又會聚在一起傾計，與我平時所接觸的正常日本食店不同。可能因為食店位於遊客區，主攻大陸人生意，所以風格也有所差異。講番食物，整體 ok, 沒有驚喜，食物味道普通。蛋炒炒得幾好，份量多，惟味道平淡，無味無道。鰻魚 ok, 飯的份量也多，但啲汁也唔夠味。吉列豬扒 ok，蛋和汁的問題與鰻魚飯一樣。加十蚊有蛋糕，蛋糕味道可以，正正常常。普通一杯茶。這杯特別，特別地細杯，影落好似好大杯，實質杯的 size 很細，麥記熱飲杯還要比這杯大。每張枱有個呼叫器，好老套！！！食店整體正常、普通，只是與我心目中的日本食肆落差太大，另外建議食店加大杯的 size, 因為杯的大小真心寒酸。