Chicken n Egg (Closed)

去過兩次。首次去，周末竟然得兩個人，唔使所以入去食。當然事必有因。泊車喺同一條街，坐門口，惡老闆娘俾menu，我哋順道話泊咗車喺附近，問老闆娘今日有冇見警察抄牌呀？其實只係問下同打開話題，全個九龍城泊街，都預咗一見警察就衝出去拎車。惡老闆娘即時上身：「我唔會睇你哋架車㗎喎，你哋自己睇住啦！抄咗唔關我事。」即時愕然，我哋冇任何意思叫佢睇住架車。點菜問惡老闆娘有咩推介，佢望住我哋好似我哋問咗個好蠢嘅問題咁。hea答「睇你哋鍾意啦」食物講真，蛋係ok，但其他好普通。薯角無乜味、蛋汁少，唔夠點兩塊麵包，食晒個蛋，要乾哽全所有薯角、包同煙肉。個湯唔好飲、雞嚡、蛋ok。