阿不 (Closed)

約朋友食晏，地點要喺尖沙咀，又想搵間之前未幫襯過，揀了「阿不」。貪其位於 K11商場內，地理位置方便。裝修風格簡約中帶點中式亭台樓閣風味，同坊間其他普通點心專門店沒有大分別。以為位於尖沙咀商場內，價錢會較貴；出乎意料之外相當合理，綜合地點因素，甚至可以用抵食去形容。小點秉承了近年大部份點心專門店的點餐模式，熱門點心例如蝦餃、燒賣、帶子餃等等，可以逐件落單(2 件起)，方便客人按喜好及用餐人數揀點心。點心款式唔算太多，反而有多款午市小炒套餐，也只是$100左右，非常適合附近上班一族幾個人來開餐。蟹肉鳳眼餃（$18 / 件）除了鮮蝦肉及蝦膠之外，亦加上了一小撮蟹肉及蟹籽；賣相吸引，味道亦很好。本來以為點心出品非常出色，原來鳳眼餃已是今日點了的五款點心中最好味。傳統燒賣（$14 / 件）賣相稍差，及不上蟹肉鳳眼餃。餡料肥豬肉比例太高，吃不出豬肉鮮甜及蝦膠美味；亦欠缺了冬菇粒。蜜汁叉燒包（$38）餡料味道麻麻，叉燒醬偏甜，叉燒肉亦唔夠香。叉燒酥（$30）的餡料基本上同叉燒包差不多，味道同樣偏甜，叉燒肉份量更加少；酥皮唔夠熱辣辣，入口未夠酥香。追加的羊肉餃（$34）味道較好。羊肉羶香而不臊，餡料