Video
Read full review
2021-06-09
890 views
話說呢間【鋿晶館】收藏已久，對上一次由於要排長龍，成功嚇退咗我朋友。今次再帶雙親來吃。雖然佢都有唔少缺點，但係我都會大大力推介佢！～～～先講缺點1. 地點隔涉：地點屬於鐵路、巴士、小巴均不就腳之處，附近又有車房，環境甚差。相信過得黎既，一係鄰近街坊，一係特登過黎食佢(例如我)。2. 等位：烈日當空要戶外排隊，無遮無掩，汗流浹背。是日特登揀1點幾，午飯高峰已過，仍要稍等一會。帶老人家黎都係一大風險。3. 環境：座位真少，是日坐的位置更加有冷氣機滴水，濺濕我腳背。4. 服務：阿姐們屬於真性情，帶有一副烈女狠勁，加個水啪一下合蓋，嚇一跳。入座時一個阿姐招手嗌入座，另一個阿姐卻大聲喝有位未，點架？真係小小崩潰。打單又漏咁一個。5. 小部分的食物不好吃：法蘭西焦糖燉蛋($18）Sorry係我錯，响中菜點心館嗌焦糖燉蛋，我不中伏誰中伏？又硬又實又無味，唔夠滑焦糖又少又唔平均。馳名南翔小籠包(＄27）不正宗，皮太厚，蒸過龍。(全家上海人，抱歉這個不入我眼)～～～講優點1. 點心好好食，師傅水準高超百吃不厭咸水角(＄22） 吃得出新鮮炸起，表面金黃色，脆卜卜，皮厚度適中。內餡剛剛好，肉汁多，暫時係食過
對上一次由於要排長龍，成功嚇退咗我朋友。
今次再帶雙親來吃。
雖然佢都有唔少缺點，但係我都會大大力推介佢！
～～～
先講缺點
1. 地點隔涉：地點屬於鐵路、巴士、小巴均不就腳之處，
附近又有車房，環境甚差。
相信過得黎既，一係鄰近街坊，一係特登過黎食佢(例如我)。
2. 等位：烈日當空要戶外排隊，無遮無掩，汗流浹背。
是日特登揀1點幾，午飯高峰已過，仍要稍等一會。帶老人家黎都係一大風險。
3. 環境：座位真少，是日坐的位置更加有冷氣機滴水，濺濕我腳背。
4. 服務：阿姐們屬於真性情，帶有一副烈女狠勁，加個水啪一下合蓋，嚇一跳。入座時一個阿姐招手嗌入座，另一個阿姐卻大聲喝有位未，點架？真係小小崩潰。打單又漏咁一個。
5. 小部分的食物不好吃：
法蘭西焦糖燉蛋($18）
法蘭西焦糖燉蛋
$18
9 views
0 likes
0 comments
Sorry係我錯，响中菜點心館嗌焦糖燉蛋，我不中伏誰中伏？
又硬又實又無味，唔夠滑焦糖又少又唔平均。
馳名南翔小籠包(＄27）
馳名南翔小籠包
$27
11 views
0 likes
0 comments
不正宗，皮太厚，蒸過龍。(全家上海人，抱歉這個不入我眼)
～～～
講優點
1. 點心好好食，師傅水準高超
百吃不厭咸水角(＄22）
吃得出新鮮炸起，表面金黃色，脆卜卜，皮厚度適中。
內餡剛剛好，肉汁多，
暫時係食過數一數二好吃，諗唔到仲有咩可以挑剔。
脆炸北海道牛奶（＄20）
有3件，表皮比較鬆化，
中間長條形嘅鮮奶，入口非常滑溜
甜而不膩幾好食。
咱家脆皮蝦多士 ($38）
咱家脆皮蝦多士
$38
11 views
0 likes
0 comments
呢個好欣賞，面頭好多芝麻好香口，
芝麻對落係蝦肉打成半醬狀，
中間同底係餅，
好似Pizza厚批咁，食落有炸饅頭既質感，脆既，附有沙律醬。
應該係半煎炸，但面頭芝麻唔燶，都幾考功夫，個餅底好香脆，成件事好Match。大推！
（順帶一提，佢嘅外觀同菜單見到嘅完全唔同，不過冇乜所謂。）
脆皮炸乳鴿 ($38）
脆皮炸乳鴿
$38
5 views
0 likes
0 comments
望落色水不佳，但食落有驚喜。
首先溫度夠熱，食落好香口，醃得好入味，基本上唔洗蘸任何野已經好好食。
加入肉質保持到嫩滑。
平日好中意食乳鴿嘅母親大人都盛讚。
老爺鮮蝦腐皮卷（＄32）
老爺鮮蝦腐皮卷
$32
8 views
0 likes
0 comments
呢個都幾好食，個皮由於炸嘅，好脆，但由於個底冇墊吸油紙，稍為油咗啲。
黑鬆露北菇燒賣皇(4粒)(＄32)
黑鬆露北菇燒賣皇(4粒)
$32
4 views
0 likes
0 comments
呢嗰燒賣都算真材實料，面頭嘅黑鬆露幾香口。符合預期。
活拆生剝鮮蝦腸（＄35）
活拆生剝鮮蝦腸
$35
5 views
0 likes
0 comments
有少少俾佢個名吸引左，食落的確喺新鮮彈牙，腸粉皮都夠薄夠滑。
2. 冇加一
打完單先發現原來係冇加一，咁計番條數就好抵啦。其實而家都好少餐廳無加一，實屬難得。
3. 茶水豐儉由人
佢入座有得揀鐵觀音或者普洱，5蚊一位。想advance d都有玫瑰烏龍呀、陳皮普洱呢啲，22蚊位。
我初頭以為係熰住要揀呢啲貴價茶，原來唔係。
4. 選擇多
除咗點心之外，其實佢嘅蒸飯、燉湯都幾吸引，不過我個胃容量有限，下次再試。
～～～
總結
呢間嘅點心可以話同區入邊比較出色
係實而不華，食落又有驚喜嗰種。加上唔洗加一，都幾抵食。
3個人嗌咗咁多嘢都係$277，抵食！
美中不足嘅係餐廳實在太細，座位有限，安排座位上少不免容易有爭執，服務亦唔算好規範。
不過暇不掩瑜，短時間內應該會再來。
奉勸一句：黎得要自備寬大的心胸，同埋耐熱既身體（排隊用）。
Post
