淘園火鍋館

Open Now

Now Closed

前個排轉左新工，舊同事話都無同我搞farewell，所以約左今晚一齊食飯，5,6個人，又凍冰冰咁，當然要去烚下烚下啦，所以就俾佢地帶左我去淘園火鍋刺身館了。我地收工都八點，都仲係人山人海，好彩都係等左一陣就有位，唔係就餓死寶寶了。呢度除左火鍋，仲有好多小食食架。椒鹽鷄軟骨竟然有鷄軟骨食，好耐無食過了，炸得酥脆，火侯同係大排檔食既非常相似。火鍋配料新鮮乾淨，但墨魚滑好鬼彈牙。肥牛脂肪分佈平均，切得夠薄。我地叫左花膠鷄煲翅鍋。花膠落足料，啲翅一梳一梳，真材實料醬汁配料都好多選擇同舊同事食飯傾到咁高興又烚得咁高興，當然要飲啦！