Video
Read full review
2017-12-18
130 views
天氣突然凍左好多呀！一凍就會諗起要打邊爐，老公提議去食「四季文昌」，我記得呢間餐廳幾出名喎！一早就book位了，地點都幾方便，係美麗華後面，我行左陣GU就去食啦！Book左7點準時入座，最出名就係文昌雞，當然先叫啦，店員先倒左d椰子湯落鍋，仲有椰子肉tim！椰子香味芬芳濃郁，本身我仲以為係自己放雞，好彩店員提一提我地原來佢地會幫我地放雞架，我地襯未有雞就先拿左一碗黎飲，好清甜！完全唔hea，唔稀，係椰子濃湯，齋飲都已經好滋味！建議椰子肉滾耐d，食既時候就會林身好多。之後就落雞，雞有半隻份量都唔少，枱面有個沙漏，只要漏完就食得啦～雞肉一d都唔鞋，幾嫩滑，雞脾位d肉仲好彈牙tim！我唔知道d雞有無調過味，但係好重椰子香味！因為我地加左錢轉另一種湯底，加$158就可以享受埋「雪濃牛骨湯拼牛肉拼盤！店員原來有一直留意我地食完雞未架，差唔多食完時就拎左個牛骨湯幫我地倒入鍋中，牛骨湯個味道好香濃，好似食韓國野時𠴱個牛尾湯咁，同一個味道！牛骨湯是奶白色，無油的！之後就試下d牛肉，一共有三款牛肉，安格斯牛小排是最普通的一款，切得很薄片，食落真的有安格斯的味道，牛肉有少許靭。黑毛牛肩胛肉同牛舌就係中等，
Book左7點準時入座，最出名就係文昌雞，當然先叫啦，店員先倒左d椰子湯落鍋，仲有椰子肉tim！椰子香味芬芳濃郁，本身我仲以為係自己放雞，好彩店員提一提我地原來佢地會幫我地放雞架，我地襯未有雞就先拿左一碗黎飲，好清甜！完全唔hea，唔稀，係椰子濃湯，齋飲都已經好滋味！建議椰子肉滾耐d，食既時候就會林身好多。之後就落雞，雞有半隻份量都唔少，枱面有個沙漏，只要漏完就食得啦～雞肉一d都唔鞋，幾嫩滑，雞脾位d肉仲好彈牙tim！我唔知道d雞有無調過味，但係好重椰子香味！
因為我地加左錢轉另一種湯底，加$158就可以享受埋「雪濃牛骨湯拼牛肉拼盤！店員原來有一直留意我地食完雞未架，差唔多食完時就拎左個牛骨湯幫我地倒入鍋中，牛骨湯個味道好香濃，好似食韓國野時𠴱個牛尾湯咁，同一個味道！牛骨湯是奶白色，無油的！之後就試下d牛肉，一共有三款牛肉，安格斯牛小排是最普通的一款，切得很薄片，食落真的有安格斯的味道，牛肉有少許靭。黑毛牛肩胛肉同牛舌就係中等，牛肩胛係靠近筋眼位既部份，味道同質感都似牛扒，但我覺得肉質比較有彈性，可以彈彌補小牛排既不足，隨碟附上牛舌，一般牛舌都比較厚，食落去都感覺飽滿，呢個牛舌好薄，完全可以將椰子湯吸收！最後就係最高質既A5山形和牛肉眼，識食牛當然係食肉眼！A5不枉是A5，肉質細滑，入口即融，殘留牛肉的牛香味，而且咀嚼時會feel到比較多汁，食起來會比較滿足同豐富！
食左咁多肉當然要食返d菜同丸啦，丸類係手工丸，墨魚丸雖然是手造，但形狀好靚架！墨魚丸同牛丸都好彈牙，質素不錯。野菜籃d菜一睇就知係正野，d菜好新鮮，顏色亦好翠綠～食唔飽唔緊要，仲可以食到烏冬，烏冬當然都是好野啦，好煙靭彈牙！份量兩個人剛剛好。食到悶悶地都唔怕，個餐仲有其他野食，三文魚刺身都幾好，我本身以為得兩片，點知原來有咁多片！好抵食！塊塊都厚身，鮮甜肥美。
特別要提就係「海南沙薑脆豬手」，豬手應該軟林林架嘛，但呢個豬手係卜卜脆，先係層皮，好香同入味既沙薑，食起時好爽脆，到豬手肉，膏少肉多，而且都算林，少少時間已經可以「骨肉分離」，一d都唔費功夫！最後最後，我地叫左兩個椰青，椰青既logo同飲管都好特別，椰青我地見住師傅新鮮開，味道清甜，連椰子肉都甜過人！
呢個餐好抵食，每人都係兩百幾蚊，想冬天暖笠笠，快d黎試下啦！
Post
