Video
Read full review
2023-12-05
517 views
以前喺灣仔番工成日經過，但一次都無食過🙈，今個星期六嚟個灣仔遊，先發現原來呢間麵包店係人氣店😯，最出名係蝴蝶酥，可惜我唔中意食呢類野，所以最終買左佢地嘅曲奇。職員表示好多人買曲奇，甚至會買3千幾蚊、食物袋裝住上飛機、放食物盒一個月都仲脆。曲奇有好多味揀，全部都係$90/磅，職員話最少要買$30，而$130/磅果D最少買$40定$50。曲奇選擇非常多，店家亦好彈性，如果買半磅可以揀兩味、買$60揀三味、買1磅揀六味。最終我揀左黑糖薑、重朱古力、咖啡蜆、咖啡榛子、杏仁手指、芝士脆餅，合共$100。職員請我地試長曲奇，入口鬆化、唔甜，不過略嫌牛油唔夠香。六款曲奇中我最推介黑糖薑味😋，黑糖味好出、內有痴牙嘅薑糖粒同脆南瓜籽，食落唔會好甜、薑亦唔辣。其次就係咖啡味嘅餅，呢兩款咖啡曲奇都幾濃咖啡香，咖啡蜆鬆化D，而咖啡榛子就硬身D。雖然兩款咖啡濃度同鬆化度比Jenny低少少，不過都滿足到我嘅需求🤓。重朱古力望落有朱古力粒，不過我覺得朱古力味偏淡，坊間有其他比較更濃嘅曲奇。杏仁手指係咁多款中比較甜同脆，食得出蛋香，配埋杏仁粒增添果仁香。芝士脆餅係唯一一款鹹餅，稱唔上曲奇；每塊厚薄不一，薄嘅脆、厚嘅似
曲奇有好多味揀，全部都係$90/磅，職員話最少要買$30，而$130/磅果D最少買$40定$50。曲奇選擇非常多，店家亦好彈性，如果買半磅可以揀兩味、買$60揀三味、買1磅揀六味。最終我揀左黑糖薑、重朱古力、咖啡蜆、咖啡榛子、杏仁手指、芝士脆餅，合共$100。職員請我地試長曲奇，入口鬆化、唔甜，不過略嫌牛油唔夠香。
六款曲奇中我最推介黑糖薑味😋，黑糖味好出、內有痴牙嘅薑糖粒同脆南瓜籽，食落唔會好甜、薑亦唔辣。
其次就係咖啡味嘅餅，呢兩款咖啡曲奇都幾濃咖啡香，咖啡蜆鬆化D，而咖啡榛子就硬身D。雖然兩款咖啡濃度同鬆化度比Jenny低少少，不過都滿足到我嘅需求🤓。
重朱古力望落有朱古力粒，不過我覺得朱古力味偏淡，坊間有其他比較更濃嘅曲奇。
杏仁手指係咁多款中比較甜同脆，食得出蛋香，配埋杏仁粒增添果仁香。
芝士脆餅係唯一一款鹹餅，稱唔上曲奇；每塊厚薄不一，薄嘅脆、厚嘅似餅乾；食得多甜餅，偶然食一塊鹹餅，可以解膩之餘，又可以刺激下味蕾。
下次再嚟嘅話，應該都會買曲奇😍。
Post
