Video
Read full review
2024-07-03
856 views
早前慶祝二訪位於銅鑼灣嘅樓上私房菜@lechefeteria 餐廳一直喺我腦海入面有好深刻嘅印象☁️ 老闆娘為每一道菜詳盡嘅介紹，餐廳半開放式嘅廚房及家庭式嘅佈置皆營造咗一個溫馨而獨特嘅氛圍🔆 餐廳外籍主廚大玩東南亞同法式fusion菜，每一道菜都別樹一格令人難忘🫶🏻- - - - - - - - - - - - - - - - - - - - - 4-courses Dinner $568/pp{ 1st course }๑ 龍蝦濃湯老闆娘話法國菜最重要就係佢嘅湯，而呢到嘅龍蝦湯可以話係佢哋嘅招牌菜! 有別於一般落忌廉嘅做法，呢到淨係落咗鮮奶同椰子奶，所以龍蝦嘅鹹香同鮮味格外突出๑ 蕃茄薄荷湯小小嘅蕃茄湯竟然包含咗蕃茄四食，而且落咗自家製嘅basil oil茄鮮中帶清香๑大閘蟹粉、紹興酒、冬蔭功手工蛋意粉 +$98依款手工蛋闊條麵不得了🔥麵條十分掛汁，將大閘蟹+紹興酒+冬蔭功嘅精華盡吸; 冬蔭功香料味十足，但佢犀利之處係完全冇蓋過蟹膏嘅香味，令人真係忍唔住清晒碟上面所有嘅醬汁{ 2nd course }๑油封鴨腿意大利飯 老闆娘做油封鴨嘅bro
早前慶祝二訪位於銅鑼灣嘅樓上私房菜@lechefeteria 餐廳一直喺我腦海入面有好深刻嘅印象☁️ 老闆娘為每一道菜詳盡嘅介紹，餐廳半開放式嘅廚房及家庭式嘅佈置皆營造咗一個溫馨而獨特嘅氛圍🔆 餐廳外籍主廚大玩東南亞同法式fusion菜，每一道菜都別樹一格令人難忘🫶🏻
- - - - - - - - - - - - - - - - - - - - -
4-courses Dinner $568/pp
{ 1st course }
๑ 龍蝦濃湯
老闆娘話法國菜最重要就係佢嘅湯，而呢到嘅龍蝦湯可以話係佢哋嘅招牌菜! 有別於一般落忌廉嘅做法，呢到淨係落咗鮮奶同椰子奶，所以龍蝦嘅鹹香同鮮味格外突出
๑ 蕃茄薄荷湯
小小嘅蕃茄湯竟然包含咗蕃茄四食，而且落咗自家製嘅basil oil茄鮮中帶清香
๑大閘蟹粉、紹興酒、冬蔭功手工蛋意粉 +$98
依款手工蛋闊條麵不得了🔥麵條十分掛汁，將大閘蟹+紹興酒+冬蔭功嘅精華盡吸; 冬蔭功香料味十足，但佢犀利之處係完全冇蓋過蟹膏嘅香味，令人真係忍唔住清晒碟上面所有嘅醬汁
{ 2nd course }
๑油封鴨腿意大利飯
老闆娘做油封鴨嘅broth已經養咗差唔多兩年，仲俾我哋聞一聞個broth，確係香氣撲鼻✨油封鴨嘅油份已經同鴨肉融為一體，切出嚟嘅肉非常粉嫩，外皮卻仍然保持焦香；旁邊嘅risotto都係餐廳用自家嘅菜湯熬出，亦無添加牛油/芝士/cream呢
{ 3rd Course: Main Courses }
๑ 6 oz煙熏阿根廷黑安格斯牛里脊
主菜配薯仔、時菜
Medium rare的牛里脊口感軟嫰，配菜的薯蓉以香茅 +檸檬葉+椰子奶取代牛奶，口感綿滑
๑大海小池咖喱鍋
炸軟殼蟹、西班牙紅蝦、本地海鮮咖喱、雜菜、法式千層薯批
+$198
咖哩嘅base係用咗海鮮清湯，所以香濃得嚟仲有鮮味; 用上西班牙紅蝦，蝦頭嘅膏咬落去就爆晒出嚟，非常鹹香~可配飛餅/莞茜斑蘭飯，而點上嘅班蘭飯伴咖喱汁一齊食好夾，又令人想清碟呢
{ 4th Course: Dessert }
๑ Banana Roti 香蕉飛餅
自家製的泰式奶茶雪糕更是意外驚喜呢
๑ Chocolate Brownie, mixed berries sorbet 巧克力布朗尼、紅莓雪葩+$48
Brownie都係無奶無牛油的，但食落絲毫不輸普通brownie，黑巧克力的濃度達75%濃度不甜且厚稠，亦係peanut free🍫
{ Drinks }
- - - - - - - - - - - - - - - - - - - - -
Post
