J's Bar Bistro (Closed)

補返個食評先，呢間係尖沙咀酒店入面既餐廳，環境當然唔錯，清靜情調好，岩哂兩個人撐枱腳，仲有駐場歌手唱下歌仔，鬼咁浪漫前菜先黎個焗田螺同幾串串燒先，你唔好以為佢係一碟沙津，其實佢係一碟焗田螺，呢碟真係估佢唔到，同我想像中既焗田螺有少少唔同，比較清新，紅色一粒粒既酸酸的，感覺好奇怪既一碟菜普通串燒唔太平，味道亦唔係特別出色，唔太抵食，每串平均$50以上，好食少少都$100以上，雖然比出面貴好多，但一d特別既串燒都可以一試既，例如圖下既帶子雞翼同牛舌，比男朋友誇張到話係全世界最好食既牛舌帶子雞翼好食😋特別，出面餐廳未必有，而且肉汁十足，配搭唔錯！前面既牛舌厚而不韌，肉不黏牙當然呢塊鵝肝多士都唔錯，厚而不膩，推介！如果加埋菠蘿🍍索汁仲好呢個蒜片蝦認真麻麻，蒜味唔夠，蝦亦唔新鮮，仲有少少凍，大家可以慳番個肚試食第2d菜式好過主菜係肉眼扒，唔太好食，質感麻麻，咬落去唔夠彈牙，好似一patpat咁，但又唔係和牛個種感覺，唔太建議食cocktails唔錯，呢度係bar，所以食物冇出面餐廳好食都正常既，建議大家食完正餐或者宵夜黎較好，食下串燒飲下酒，chill下較好。最後因為係慶祝一周年紀念日，係叫甜品