名朝特色火鍋 (Closed)

前排同屋企人黎到依間名朝特色火鍋食放題，見佢除左火鍋之外，仲有雞煲、刺身等等，價錢方面亦都唔貴，令我地停低左腳步。環境好大，相對地式座位都多，不過位置編排幾迫，同輪座之間冇咩空間。蔬菜、菇類、麵食等等都係自取，種類亦都幾多。當然唔少得醬油方面，同樣係自己出去調配。放題緊係食下刺身先，數量同款式依足單上寫既一樣，冇多冇少，三文魚色澤紅潤，味道鮮甜好味，鮑片鮮口多汁，令人想一食再食。而蟹棒則有少少硬身，榮螺口感煙韌，鮮味頗出，整體黎講達到水平～大家都想食左雞煲再打邊爐，所以就加左錢轉名朝特式原味雞煲，黎到之後香味撲鼻，煮一煮已經可以食得，醬汁好入味，雖然唔辣但會有好微微既麻既感覺。半隻雞黎講有肉有骨，感覺都幾平均，唔會剩係得骨，而且醬料調製得入味而且好食。手切肥牛，望落相當新鮮，中間既雪花花紋幾靚，細就細塊左少少，但味道方面唔錯，牛味濃郁。響鈴，打邊爐必食之物，吸收湯中精華，食落去相當入味，而且唔會覺得油。食到咁上下，大家開始食甜品，選擇款式多，牛奶布甸最好食，奶味重口感滑，唔會太甜，而椰汁糕整得有啲水，似係未凝固既狀態，朱古力果杯就太甜。另外，令我驚訝既係，除左一般甜品同雪糕，仲有放題少